नांदुरी-सप्तशृंगी गड परिसरात पोलिस पथकाला भरधाव कारने धडक दिल्याने भीषण अपघात झाला. नवरात्रोत्सवाचा बंदोबस्त आटोपून परतणारे पोलिस कर्मचारी या पथकात होते. अपघातात वाहतूक शाखेतील एका पोलीस उपनिरीक्षकाचा मृत्यू झाला.
मिळालेल्या प्राथमिक माहितीनुसार, कारने पोलिस पथकाला जोरदार धडक दिली. या धडकेत ११ हून अधिक पोलीस अधिकारी, कर्मचारी आणि भाविक जखमी झाले. जखमींना उपचारासाठी रुग्णालयात दाखल करण्यात आले असून, त्यांच्यावर उपचार सुरू आहेत.
नवरात्रोत्सवाच्या काळात सप्तशृंगी गडावर भाविकांची मोठी गर्दी असते. बंदोबस्तासाठी तैनात असलेले पोलिस कर्मचारी काम आटोपून परतत असताना हा अपघात घडल्याची माहिती आहे. घटनेनंतर परिसरात हळहळ व्यक्त होत असून, पोलिस दलात शोककळा पसरली आहे.
