गुन्हेगारी

मुंबई-नाशिक महामार्गावर भीषण “हिट अँड रन”; डोक्यावर पाण्याचा हंडा घेऊन जाणाऱ्या वृद्धेला कारची जोरदार धडक

मुंबई-नाशिक महामार्गावर पुन्हा एकदा बेफाम वाहनचालकामुळे गंभीर अपघाताची घटना समोर आली आहे. महामार्गालगत रस्त्याच्या कडेनं डोक्यावर पाण्याचा हंडा घेऊन चालत जाणाऱ्या 75 वर्षीय वृद्ध महिलेला भरधाव कारने जोरदार धडक दिली. या धडकेनंतर महिला काही फूट दूर फेकली गेली असून, परिसरात एकच खळबळ उडाली.ही संपूर्ण घटना जवळील पेट्रोल पंपावर लावण्यात आलेल्या सीसीटीव्ही कॅमेऱ्यात कैद झाली आहे. व्हिडिओमध्ये कार अतिवेगाने येताना दिसत असून, चालकाने कोणतीही मदत न करता घटनास्थळावरून पळ काढल्याचे स्पष्ट दिसत आहे. स्थानिक नागरिकांनी तातडीने जखमी महिलेला जवळच्या रुग्णालयात दाखल केले. सध्या तिच्यावर उपचार सुरू असून प्रकृती चिंताजनक असल्याची माहिती समोर येत आहे.घटनेनंतर परिसरातील नागरिकांमध्ये संतापाचे वातावरण निर्माण झाले आहे. महामार्गावर वाढणारे अपघात, वेगमर्यादेचे उल्लंघन आणि निष्काळजी वाहनचालक यामुळे नागरिकांनी प...